منگل - 4 اکتوبر - 2022

جدہ:پاکستانی قونصیلٹ کی طرف سےمملکت میں جاری اقامہ قوانین کی خلاف ورزی کرنے والوں کے خلاف مہم میں پاکستانیوں کو باالخصوص نشانہ بنائے جانے کی تردید

پاکستان قونصلیٹ جدہ نے سوشل میڈیا کے کچھ حصوں میں جاری اس مہم کی سختی سے تردید کرتا ہے جس میں یہ کہا گیا ہے کہ سعودی حکام، مکہ مکرمہ گورنریٹ کے علاقے سے پاکستانیوں کو قید اور جلاوطن کر رہے ہیں۔

قونصلیٹ نے متعلقہ سعودی حکام سے رابطہ کیا ہے۔ قونصلیٹ کو بتایا گیا ہے کہ سعودی حکام تمام قومیتوں کے غیرقانونی تارکین وطن کو گرفتار کرتے اور ملک بدر کرتے ہیں۔ یہ مشق سال بھر میں مختلف شدت کے ساتھ جاری رہتی ہے۔
حالیہ مہم کا آغاز پچھلے ایک ہفتہ سے کیا گیا ہے جس میں بنیادی طور پر بغیر اقامہ، زائد المیعاد اقامہ ، غیر قانونی کارکنان، اور ایسے افراد جو اقامہ پر لکھے گئے پیشےکی جگہ دیگر شعبوں میں کام کررہے ہیں، پر توجہ دی جارہی ہے ۔ اس سلسلے میں گذشتہ تین روز سے 400 کے قریب پاکستانیوں کو شمیسی ڈیپورٹیشن مرکز لایا گیا ہے۔

یہ کہنا کہ یہ مہم صرف پاکستانیوں کے لئے مخصوص ہے، بالکل غلط ہے۔ سوشل میڈیا کے ذریعہ اس طرح کی خبروں کی تشہیر نے پاکستانی کمیونٹی میں غیر ضروری اضطراب اور بے یقینی پیدا کردی ہے۔ سوشل میڈیا کے کچھ حصے اسے گمراہ کن سیاسی زاویہ دے رہے ہیں۔ یہ پاک سعودی برادرانہ تعلقات کے مفاد میں ہے کہ اس طرح کے بے بنیاد اور غیر ذمہ دارانہ بیانات سے ہر قیمت پر گریز کیا جاتا ہے۔

ہماری سعودی عرب میں پاکستانی کمیونٹی سے درخواست ہے کہ وہ پرسکون رہیں اور اس من گھڑت سوشل میڈیا مہم پر توجہ نہ دیں۔پاکستان قونصلیٹ اس معاملے میں سعودی حکام سے مستقل رابطے میں ہے اور پاکستانی کمیونٹی کے مفادات کے تحفظ کے لئے مقامی قواعد و ضوابط کے تحت ہر ممکن اقدامات اٹھایا جا رہا ہے۔

واضح رہے کہ "ڈیلی ویب ڈیسک”کی طرف سے  اپنے زرائع سے ان افواہوں کی تردید شائع ہوچکی ہے

قونصلیٹ جنرل جدہ کی طرف سے بھی اب اسکی توثیق ہوچکی۔

یہ بھی چیک کریں

گندم و چینی کی دستیابی اور قیمتوں کی خود نگرانی کر رہا ہوں، وزیراعظم

گندم و چینی کی دستیابی اور قیمتوں کی خود نگرانی کر رہا ہوں، وزیراعظم

اسلام آباد(یواین پی)وزیراعظم عمران خان نے کہا ہے کہ اس وقت تمام معاشی اعشاریے مثبت …

جواب دیں

آپ کا ای میل ایڈریس شائع نہیں کیا جائے گا۔