پیر - 6 فروری - 2023

مولانا خادم حسین رضوی کی نماز جنازہ کل ادا کی جائے گی

تحریک لبیک کے سربراہ مولانا خادم حسین رضوی کی نماز جنازہ کل صبح 11 بجے مینار پاکستان کے گراؤنڈ میں ادا کی جائے گی جس میں شرکت کیلیے مختلف شہروں سے قافلے چل پڑے ۔

تفصیلات کے مطابق تحریک لبیک کے ذرائع کا کہناہے کہ اس سے پہلے یہ اعلان سامنے آیا تھا کہ مولانا خادم حسین رضوی کی نماز جنازہ جمعہ کے بعد ادا کی جائے گی لیکن بڑی تعداد میں لوگوں کی بیرون ملک سے بھی آمد متوقع ہے جس کے باعث نماز جنازہ کا وقت تبدیل کرتے ہوئے ہفتہ کی صبح 11 بجے کردیا گیاہے ۔

مولانا خادم حسین رضوی کا جسد خاکی اسکیم موڑ چوک یتیم خانہ میں واقع مسجد سے ملحقہ گھر میں رکھا گیاہے،مسجد اورعلاقے میں سیکیورٹی کے سخت انتظامات کیے گئے ہیں اور بھاری نفری تعینات کی گئی جبکہ دو رویہ سڑک کو بھی ٹریفک کیلیے بند کر دیا گیاہے لیکن اورنج لائن میٹر و ٹرین بند نہیں کی گئی ہے۔مسجد کے باہر خادم حسین رضوی کے چاہنے والوں کی ایک بڑی تعداد موجود ہے ۔

خاندانی ذرائع کا کہناہے کہ مولانا خادم حسین رضوی کو جمعرات کی شب طبیعت خراب ہونے پر شیخ زید ہسپتال منتقل کیا گیا ہے تاہم ہسپتال کا کہناہے کہ جب انہیں یہاں لایا گیا تو ان کا انتقال ہو چکا تھا ، مولانا خادم حسین رضوی کو چند روز سے بخار تھا اور انہیں سانس لینے میں بھی دقت تھی ۔



Source link

یہ بھی چیک کریں

کالعدم تحریک طالبان نے جنگ بندی ختم کردی

پشاور:کالعدم تحریک طالبان پاکستان کی جانب سے یکطرفہ طورپرگذشتہ ایک ماہ سے جاری جنگ بندی …

جواب دیں

آپ کا ای میل ایڈریس شائع نہیں کیا جائے گا۔