اسٹریٹجک ویژن انسٹی ٹیوٹ اسلام آباد کے زیر اہتمام دو روزہ بین الاقوامی کانفرنس بعنوان "اسلام آباد نان پرولیفریشن کانفرنس 2024” کا انعقاد کیا گیا۔
چیئرمین جوائنٹ چیفس آف اسٹاف کمیٹی جنرل ساحر شمشاد مرزا کانفرنس کے مہمان خصوصی تھے۔
آئی ایس پی آر کے مطابق کانفرنس کا مقصد عالمی اسٹریٹجک مسائل پر تعمیری بات چیت کو فروغ دینا اور پاکستان کے پالیسی نقطہ نظر کو شیئر کرنا تھا۔
اس اعلیٰ سطحی کانفرنس نے نہ صرف عالمی عدم پھیلاؤ کی کوششوں کے لیے پاکستان کے عزم کو تقویت بخشی بلکہ علاقائی اور بین الاقوامی سلامتی کو برقرار رکھنے کے لیے اسٹریٹجک ڈائیلاگ کی اہمیت پر بھی زور دیا۔
کانفرنس میں پاکستان کے ممتاز پالیسی سازوں اور پریکٹیشنرز نے کلیدی خطابات پیش کیے، جن میں سابق چیئرمین جوائنٹ چیفس آف اسٹاف کمیٹی جنرل زبیر محمود حیات، نیشنل کمانڈ اتھارٹی کے مشیر، لیفٹیننٹ جنرل خالد احمد قدوائی، لیفٹیننٹ جنرل سرفراز ستار اور دیگر اہم شخصیات۔
شرکاء میں انسٹی ٹیوٹ آف ورلڈ اکانومی اینڈ انٹرنیشنل ریلیشنز آف رشین اکیڈمی آف سائنسز، سینٹر فار انرجی اینڈ سیکیورٹی اسٹڈیز روس، چائنا انسٹی ٹیوٹ آف کنٹیمپریری انٹرنیشنل ریلیشنز، کارنیگی انڈومنٹ فار انٹرنیشنل پیس یونائیٹڈ سٹیٹس، رائل یونائیٹڈ سروسز انسٹی ٹیوٹ برطانیہ، کے ممتاز بین الاقوامی اسکالرز شامل تھے۔ ماسکو اسٹیٹ انسٹی ٹیوٹ آف انٹرنیشنل ریلیشنز، سینٹ پیٹرزبرگ اسٹیٹ یونیورسٹی، شنگھائی یونیورسٹی، پیکنگ یونیورسٹی، البانی یونیورسٹی، اسٹیٹ یونیورسٹی آف نیویارک اور یونیورسٹی آف برمنگھم۔
