سعودی سرمایہ کاروں کا وفد وزیر سرمایہ کاری خالد بن عبدالعزیز کی قیادت میں پاکستان کے تین روزہ دورے پر آج اسلام آباد پہنچ گیا۔
نور خان ایئربیس پر وفاقی وزراء مصدق ملک، جام کمال خان اور عبدالعلیم نے وفد کا استقبال کیا۔
وفد میں توانائی، کان کنی، معدنیات، زراعت، کاروبار، سیاحت، صنعت اور افرادی قوت سمیت مختلف شعبوں کے نمائندے شامل ہیں۔
شیڈول کے مطابق سعودی وفد پاکستانی کمپنیوں کے ساتھ بزنس ٹو بزنس ملاقاتیں کرے گا، دورے کے دوران متعدد معاہدوں پر دستخط کیے جائیں گے۔
