سیکیورٹی فورسز نے افغان سرحد پر جارحیت ناکام بنا دی – ایسا ٹی وی

پاکستان نے نوشکی غزنل سیکٹر میں پاک افغان سرحد پر افغان فورسز کی جارحیت کی کارروائی کو ناکام بنا دیا۔

سیکیورٹی ذرائع کے مطابق افغان فورسز نے پاکستانی چوکیوں پر فائرنگ کی۔ جوابی کارروائی میں پاکستانی فورسز نے افغان پوسٹوں کو نشانہ بنایا۔

فائرنگ کے تبادلے کا واقعہ پاک افغان سرحد پر اس وقت پیش آیا جب پاکستانی فورسز باڑ کی مرمت کر رہی تھیں۔

سیکیورٹی ذرائع کا کہنا ہے کہ پاکستان کی جانب سے موثر جوابی کارروائی سے افغان فورسز کو بھاری نقصان اٹھانا پڑا۔ ان کا کہنا تھا کہ پاکستان اپنی سرحدوں کی حفاظت کے لیے موثر اقدامات کرتا رہے گا۔

سیکیورٹی ذرائع کا کہنا ہے کہ پاکستانی سیکیورٹی فورسز اپنی علاقائی سالمیت پر سمجھوتہ نہیں کریں گی۔