پاکستان میں سونے کی قیمتوں میں اضافے کا سلسلہ جاری ہے، پیر کو قیمتوں میں مزید اضافہ ہوا جب کہ عالمی منڈیوں میں بھی قیمتی دھات کے نرخوں میں اضافہ دیکھا گیا۔
آل پاکستان جیمز اینڈ جیولرز صرافہ ایسوسی ایشن (اے پی جی جے ایس اے) کے مطابق، مقامی مارکیٹ میں، 24 قیراط سونے کی فی تولہ قیمت میں 200 روپے کا اضافہ ہوا، جس سے یہ 275،700 روپے تک پہنچ گئی۔
اسی طرح 10 گرام 24 قیراط سونے کی قیمت میں 171 روپے کا اضافہ ہوا جو اب 236,368 روپے ہے۔
عالمی سطح پر بھی، سونے کی قیمتوں میں اضافے کا سامنا کرنا پڑا، دن کے دوران قیمتوں میں 3 ڈالر کا اضافہ ہوا۔ اے پی جی جے ایس اے کے مطابق بین الاقوامی سونے کی قیمت 2,659 ڈالر فی اونس رہی۔
سونے کی قیمتوں میں اضافے کے باوجود چاندی کی مارکیٹ مستحکم رہی، چاندی کی فی تولہ قیمت 3,050 روپے پر برقرار ہے۔
گزشتہ ماہ پاکستان میں سونے کی قیمت 277,000 روپے فی تولہ کی بلند ترین سطح پر پہنچ گئی تھی، کیونکہ بین الاقوامی مارکیٹ میں اتار چڑھاؤ کی وجہ سے قیمتی دھات میں نمایاں اضافہ دیکھنے میں آیا تھا۔
