– اشتہار –
7 نومبر (اے پی پی) قائم مقام صدر سید یوسف رضا گیلانی اور وزیراعظم شہباز شریف نے جمعرات کو جنوبی وزیرستان کے علاقے کرامہ میں فتنہ الخوارج کے 5 دہشت گردوں کو ہلاک کرنے پر سکیورٹی فورسز کو خراج تحسین پیش کیا۔
اپنے الگ الگ پیغامات میں قائم مقام صدر اور وزیراعظم نے سیکیورٹی فورسز کے جوانوں نائب صوبیدار طیب شاہ، لانس نائیک گلاب زمان، لانس نائیک مزمل محمود اور لانس نائیک حبیب اللہ کی شہادت پر گہرے دکھ اور افسوس کا اظہار بھی کیا۔
انہوں نے وطن کے دفاع میں فتنہ الخوارج کے خلاف لڑتے ہوئے اپنی جانوں کا نذرانہ پیش کرنے والے سیکیورٹی اہلکاروں کو سلام پیش کیا۔
– اشتہار –
انہوں نے کہا کہ بہادر فوجیوں کی قربانیاں کبھی رائیگاں نہیں جائیں گی۔
انہوں نے شہداء کے درجات کی بلندی اور لواحقین کو یہ صدمہ ہمدردی کے ساتھ برداشت کرنے کے لیے صبر جمیل کی دعا بھی کی۔
– اشتہار –
