اسلام آباد۔30ستمبر (اے پی پی):پاکستان کی انٹر بینک مارکیٹ میں امریکی ڈالر کے مقابلے میں پاکستانی روپے کی قدر میں کمی ریکارڈ کی گئی ہے۔سٹیٹ بینک آف پاکستان کے مطابق پیر کو انٹر بینک مارکیٹ میں امریکی ڈالر کے مقابلے میں پاکستانی روپے کی قدر میں 08 پیسے کی کمی ریکارڈ کی گئی ہے جس کے بعد اس کی نئی قیمت 277 روپے 71 پیسے ہو گئی ہے۔ انٹر بینک مارکیٹ میں سعودی ریال کی قدر 74 روپے 02 پیسے جبکہ بحرینی دینار کی قدر 736 روپے 73 پیسے رہی۔
اسی طرح عمانی ریال کی انٹر بینک مارکیٹ میں قدر 722 روپے 27 پیسے رہی، کویتی دینار کی قدر 910 روپے 41 پیسے اور قطری ریال کی قدر 76 روپے 19 پیسے ریکارڈ کی گئی۔دوسری جانب اوپن مارکیٹ میں پیر کو امریکی ڈالر کی قیمت خرید 278 روپے اور قیمت فروخت 279 روپے 50 پیسے ریکارڈ کی گئی۔
