تمام سیاسی جماعتیں مسئلہ فلسطین پر متحد ہیں: وزیر قانون – SUCH TV

وزیر قانون اعظم نذیر تارڑ نے کہا ہے کہ مسئلہ فلسطین پر تمام سیاسی جماعتیں ایک پیج پر ہیں۔

وہ غزہ اور فلسطین میں اسرائیلی ظلم پر آل پارٹیز کانفرنس کے اختتام پر پیپلز پارٹی کی رہنما شیری رحمان کے ہمراہ اسلام آباد میں میڈیا سے گفتگو کر رہے تھے۔

وزیر قانون نے اس بات کا اعادہ کیا کہ پاکستان ہمیشہ فلسطینیوں کی حمایت کرتا رہے گا اور اے پی سی میں منظور کردہ مشترکہ اعلامیہ کو دوسرے ممالک کے ساتھ شیئر کیا جائے گا۔

اپنے ریمارکس میں شیری رحمان نے کہا کہ اے پی سی نے مسئلہ فلسطین کے حوالے سے قومی اتحاد کا پیغام دیا ہے اور اس بات پر زور دیا ہے کہ پوری قوم فلسطینی عوام کے ساتھ یکجہتی کے ساتھ کھڑی ہے۔